Hip Hop-tarrafal

Actualiza

2011-08-14T21:56:09Z

wolf- entrevista

2011-01-28T17:00:25Z

Wolff, nes momento é ta viva na Portugal, mas é ta fazi hip hop cv…

nu bem kinchel midjor...

discrevi bu pessoa...(qualidades, defeitos, gostos, fala u maximo...)

Descreve nha pessoa... nta atxa midjor alguêm descrevem de ki me mesmo descreve nha pessoa. Só si mperguntado algo más especifico pam responde, e sobre qualidade e defeito acho k é midjor alguêm aponta...

Cumesso? (quando, pamodi,)

Especificamente nka sabi quando, más há já alguns anos, nconxe um produtor "Djony" que dja produze sons pa artistas como G.N, Nicolau etc, ntom é pom ta canta la na se stúdio, más era tudo na freestyle, ncurti kel sensaçom, e ncomeça ta screve letras (ntinha uns 11 ou 12 anos), anos más tarde más concretamente na 2006, nha granda brother Kanony convidam pa nu bai grava um som(era mi el e Delcio), nu bai nu fasi som e quase um ano dipos que nbem obi kel som.. nha reaçom foi credo, nunca más nka ta canta, más staba orrivel mesmo, mas ligaçom dja staba forte di + nca consigue largal más, ntxiga de da um tempo pam obi rap midjor e depos nvolta cu más força e más consciente de cuze kin sa fazeba... nfica ta fazi som ku Kanony e depos ku As.p e Devil-K, más nca ta xintiba mutu avontade, nca ta fazeba cuzé kin creba, ti ki mbem panha King street e la nfica nta fasi som sima nta cre mesmo, e nxinte más avontade. nu caba pa fase um mixtape más nu ca txiga de lançal, pmd quase tudo som dja tinha xtriliado pa tudo zona, más mesmo assi nfica contente e satisfeito pmd reasom de público foi espetáculo, ta canta tudo nos letra(maravilha mesmo)....

Na altura bu tevi dificuldades?

Dificuldade. sempre. Talves é kel amor pa es stilo de musica ki ca daxano desiste, pmd sima nu sabi na nos terra oportunidade é pocu e desigual, e na Tarrafal ntom nca meste fla. Nu ka tinha um lugar certo de fasi som, material de gravaçom, e txeu senas no ta faseba mesmo de improviso,

modi ki surgi wolff? kal ké bu nomi verdadeiro?

Nha nome mesmo é "Eurico Lobo Sousa" má nconxedo más pa Wolff ou Nito.

Wolff, ta deriva de nha apelido Lobo, e foi na secundário que nhas colegas começa ta txoman e fica de vez.

fala di king street?

KS, nka tem palavra pam descreve, foi la k nprojeta más, la rapaz dam más espaço pa nfase senas sima nta cre e sempre és dam kel mural

É dificel sigui pa frente, pmd?

Difícil é, pmd ami é studante e sons nta faze sempre que ntiver kel tempinho (que nes momento sta escásso), e txeu vez bu ca ta odja resultado de bu trabadjo más, condições ca tem oportunidade tb não, más nsta li pam bai te und ki da pa bai...

Kem ki apoiou nes caminhu?

Em primero lugar tudo maltas de King street, rapaz de Bad Boys, Black-B, T.j, e otos rapaz que nu ta faze som djunto

Kuse ki bu ta atxa di hip hop tarrafal em relaçao a h.h. notus parti di cv?

Na Tarrafal no tem grandas melodia e um stilo de rap diferente de otus lugares, mas tb tem txeu cuza ki nu tem ki muda, nu ca podi dexa ser lebado pa influencia e nu canta cuzas inconscietemente, nu tem k sabe serto cuze ki nu sa fala e nu tem ki tem cuidado na transmitil. Por outro lado nsa curti tb txeu kes novos rappers ki sa surge, cu temas diferentes e é kela ki nu meste....

bu atxa ma é kapaz di alimenta nes ramo moda lado la… ou nhos ta continua ta fazel pa ´´disporto´´?

-Nta acredita ma é capaz de alimenta nes ramo li sim, mas sima nflaba anteriormente oportunidade é desigual e más escásso na nós país..

Lágrimas&suor? (ixplika, pmd, kusé ki sta por detras, satisfeito, dipos é kusé...)

Lágrimas&suor é um album ki dja npensaba na fazel há algum tempo más fazeba antes pmd inda ka staba mi de agrado, n´decide obi más, e dipos de txeu reflesson nconsigue projeta o que ncria. Txeu alguêm ta flaba mi, man devia lançal antes e ma txeus colegas ki começa mutu depos de mi dja lança, más não n´átxa man tral na momento serto e de forma ki ncria. E sobre tema (Lágrimas) ndal kel tema la pmd na el ndesabafa kel ki nta xinte e ntinha dento mi prezo kel ki ca staba mi de agrado, stórias ki ca dexam contente e cusas ki ten ki muda e (Suor) pa simboliza nha esforço "na rema contra maré", na fase possivel e impossivel pam ntenta muda alguêm mentalidade sobre rap e tenta pos más consciente sobre o que és ta obi, e tb sobre esforço ki nten stado ta fase na nha vida em geral...

(Sobre letras) ami nta cre passa kel hip hop consciente pa kenha ki ta obi rap e mi é a favor de kela, pmd txeu bés nu sa ta obi musicas ki ca ta fla nada, só fla ma teni fama dinhero, ma é más forte, em fim cusas sem sentido, (canta só pa canta). Más hip hop surgiba cu um missom, ki éra da vóz a ques que ca ta obida, kes oprimido, kes rejeitado, e hoje na txeu paíz és ta denominal pa "cultura negra", e es ta despresano ca véz más pmd letras ki és ta obi actualmente. Kel hip hop de essência sta ta desaparece de palco actual, e mi é kela ki nsa tenta trazi ...

(Lançamento) staba previsto pam lançal na 04 de Dezembro de 2010, más por motivos de força maior ca foi possivel e ncaba pa lançal na 25 de mesmo mês e hoje nsta stremamente satisfeito, só na primero semana quase 300 download e hoje depos de um mês de se lançamento teni más de 500 download, e nta aproveita desde já pan agradece tudo alguêm ki tem stado ta apoiam e ta obim... Lágrimas&suor sa ser bem aceite, feedback stremamente positivo.

(Depos) Nteni em mente otus projetos más pra já nca ta adianta nada e nta spera te k é ganha forma mesmo nta adianta más senas. ok

kuse ki nos governos tem ki fazi?

Na nha opinion nta átxa mes deve abri jovens más porta, da más oportunidade dento de paíz, pa que jovens ca ten ki bai pa stranjero pa consigue kel ki dento terra nu tem pleno condiçom pa nu consigue, e aposta más na jovens....

fala de purtugal(dificuldades, vantagens, danu novidades, fala di tudo aspecto possivel, (scola, musica, vida...)...)

Li na tuga, sima nes momento sta dificil de consilia scola cu muzica, tempo é escásso, e obrigaçom é txeu, más sobre vantagens é ta danu um vison más amplo de cuzas, e ta ponu compara de nós e kel ki nu átxa li, cuzé ki sta mal e cuze ki nu tem ki muda, é kela ki ta poi brota na bó um identidade um defniçom de cuzé ki bu cré. Novidades, sima dja nflaba nteni otus projetos para além de kel mixtape li, teni participaçom na albuns de otus rappers ki sta pa sai inda, e tema de nha próximo mixtape ki nca sabe nem quando é pode sai inda, pmd ncré fazel cu calma e tranquilidade.

kusé ki bu ta pensa pa futuro de hip hop… ki concedju bu ta da pa kes ki sa labanta ?

Hip hop é sa universalisa, é sa torna sem raíz e sa bem ser de musica más obido na mundo é o que nta pensa pa futuro,,, e pa kes ki sa surge novo nta pide só pes tem consciencia na cuzé ki és sa fazi, pes ca preocupa txeu cu reconhecimento, más sim cu kel kes tem pes mostra e pes passa..

Ki mensagens nu pod atxa na bus musicas y undi bu ta buska inspirason?

Na nhas musicas nhos ta átxa um pocu sobre tudo, nta bai desde nos antepassados até cuzé ki nta átxa ma ta bem contice na futuro, nos dia dia, critica e soluçom pa kel ki n´átxa ma ca sta dreto etc... nha inspiraçom, nta átxa ma é tudo kel ki djam obi e djan presencia ao longo de nha vida....

futuro?

Pa futuro djan refire na questões acima, ki é kel projeto, tema de nha proximo album e alguns participaçons....

artistas ki bu ta admira?(fora y dento)

Artistas ki más nta admira e ki nta atxa ma ta influência txeu na kel kin ta faze, fora:(Luck Dube, Nina Simone, Ice Cube, Nas, Krazye Bone, Azagaya,Valete,Chullage,Sabotage), e de paíz(Ildo Lobo, Sara Tavares,Mário Lucio,Tulipa Negra, Princesito), na rap dento Tarrafal nta curti txeu trabadjo de Kanony e Devil-K

wolff légrimas&suor

2010-12-30T14:30:26Z

finalmente mixtape mas sperado dja sta disponivel pa tudo alguem, kem ki dja obi fla mé di kes midjor seleson di musica des ano (2010)... wolff sta di parabés, lágrimas&suor dja incanta tudo ouvitis...

si inda bu ca teni, ca bu da moleza fazi download goci...

link pa Download: http://www.megaupload.com/?d=16252J3P

mas um pa hip hop cv...

entrevista shima

2010-12-15T09:03:16Z

SHIMA, PONTA LAGOA, BIG, HIP HOP, TARRAFAL, BAI BU TA ATXAL…

CUMESSO

-AMI NKA TA LEMBRA BEM, MAS ACHU KI FOI NA 2006 OU 2007, MOTIVADU PA RAPAZ DI NHA GRUPU, CLODIO, VALKS, NEIDY, KALEPI, RINATU, UNDI NU DA GRUPO NOMI BIG, (pamod, nka SABI…)

ELEMENTOS

-CLODIO, KALEPI, RINATO, VALKS, NEDI, CUCO, DATCHI, MILÓ, RONY, RUBI, SHIMA

SHIMA

-AMI NEM NKA SA LEMBRA PAMODI, MAS DEVI SER PAMODI TINHA UM MUSICA KI TA FLABA SHIMA Y NTA GOSTABA DI CANTAL, DES DI PIKINOTI NTA TXOMADU SHIMA, MAS NHA NOME É NILSON OSMAR

APOIO

-APOIO CUMESSA POR GHETTO NEE, FOI LA KI NU GRAVA NOS PRIMERRO SON, Y DIPOS DILA NU FICA TA GRAVA NA DELCIO, É DANU TXEU APOIO, RAPAZ DI BAD BOYS TA DANU TXEU MURAL, RAPAZ DI ZONA SIMA CAPUCHU, DATCHI…

HIPHOP TARRAL/HIPHOP CV

-LI TEM BOM RAPPERS, RAPAZ TA APREZENTA BONS TEMAS, BONS INTRUMENTAL, BONS TRABADJU, TRABADJU ACERIO… NA OTUS SONAS TA FAZEDU BONS SONS, BONS TRABADJU TAMBE… MAS LI NU TA KANTA DIFERENTI, NOS MENSAGEM, É KA IGUAL A DI SES…

DIFICULDADES

-SIM, PAMODI NHA MAI EMBORA É ACEITA, É TA CRIA PAM STUDABA MAS DU KI KANTA. NU KA TINHA NÓS STUDIO, E NU KA TINHA ESPERIENCIA, MAS HOJI NU TEM NOS STUDIO… NU TEM ALGUEM KI TA FAZENU NOS INSTRUMENTAL,

DEDIKASON

-NHA OBIGETIVO É PROPI KELA DEDIKA, TUDU MUSIKA TINHA UM DEDIKASON, APOIO BEM DI BOSH, RAPAZ DI NHA GRUPO, BAD BOYS, RAPAZ DI ZONA, KI PRODUZI FOI BOSH… DJA NU CUMESSA GRAVA PA PROXIMO, Y NEM TITULO DI ALBUM INDA NU KA DICIDE, NHOS PODI SPERA BONS MENSAGENS, NOVOS TEMAS, ALGU DIFERENTE,Y PRODUSON É MI MÉ

GUVERNO

-N´ATXA MA ÊS DEBI DANU MAS XANCI, PES DJUDANU DEVULGA NOS TRABADJU,

OPORTUNIDADE

-NU TEM CONDISON PA NU LEBADU PA KUALKER LUGAR UNDI TA STA KEL KES TA PENSA MÉ MIDJOR, PAMODI GOCE NU SA TRABADJA ACERIO,

ARTISTA

-LILI WANY, NICK MINAJ, KENY WEST, ACE HOOD, LUDA

RAPAZ DI NHA GRUPO, MARITO, KANONI

FUTURO

PA MI HIP HOP TA BEM MIDJORA NA TUDU SENTIDO, NU TA BEM TEM MAS XANCI... TA BEM SURGI MAS IDEIA…

VALI PENA SIGUI PA FRENTI

-SIM BALI PENA, PAMODI, N´TA FAZEL PAMODI N´GOSTA, Y NOU SO PAMODI FAMA, AMI N´GOSTA DI MANDA MENSAGEM, Y DI FALA SOBRI NHA VIDA…

HIPHOP SA DADO VALOR

-SIM GOCE SA DADO MAS VALOR, ANTES ERRA MAS DISKRIMINADU, N´ ATXA MA QUANTO MAS VALOR É DADO MAS FIXI É TA FICA.

MENSAGEM

-PA KEM KI TA CURTI KANTA , KEM KI TA ATXA ME TEM KAPACIDADE PA KANTA, É PODI CANTA, NTA MANDA MURAL PA RAPAZ DI NHA GRUPO, BAD BOYS, MURAL-CHICAGU, KANONI , RITO, MALISA, BOSHE, DJY…

g.n_entrevista

2010-11-11T09:09:53Z

Giany, primero rapper di tarrafal… nka sabi pa modi, mas na entrevista é mostra ser um jovem di frases curtas, nhos passa ta conxi alguns pensamentos des artista .

Cumesso

Foi na 92, n´foi primero na tarrafal, motivadu pa reppers americano,

Hip hop tarrafral em relalçao otos concelhos

-Nu diferencia di otos, pmd nu ta ala txeu di cultura cabo-verdiana, txeu di actualidade, di paz, nu ta fazi reclamason ao governo, y nunka nu ka ta skeci di eskravatura.

Ki mensagens ki bu tem custumo trasmiti

-Tudu ki ta afecta sociedade,

Pa modi hip hop y nao otu stilu

-N´Ten stadu ta sprumenta otus estilo ma nha stilu inkaixa mas na hip hop.

Bu sta satisfeito cu hoje

-nta desejaba ki tinha mas responsabilidade pa rarti di artistas, n´ta kria pes midjora ses letras, mensagem

-tem kes ki ta contribui mas tem kes ki ka ta importa, y kela ta caba pa straga hip hop,

Momentos

-N´consigui evolui, embora sem apoio, foi só ku esforço di nha trabadju

-Txeu discriminason, mas nta continua ta passa nha mensagem, pam sensibiliza populason pa bem obi realidade de hip hop.

- Dja nu tivi txeu evulusao em relação a 5 anos atrás, pelo menos é sa ta tem mas aceitason.

Kem ki apoion nes caminhu

-Colegas di hip hop, amigos, famílias, kes apoio moral ki ka pod falta.

Difeito

-Um bocadu alargadu, aberto, nka sabi fla nau, sempri disponível pa tudu convitis.

Kualidade

-Dedikason, embora nka ta koncorda ku tudu kim ta fazi.

Adimirason

-Ruspeta tupac, nas, jay-z, the game

-Jarul (já pitxoka)

Kapaz di alimenta nes ramo

-Sim, nta spera pa futuro

Mensagem

-,Nta apela tudu rappers pa tem mas Respeito, pes tem mas atenson oras kes ta skrevi, ké pes podi agrada populason

-Pa publico tem atenson na o kés ta obi.

Exclusivo hip hop tarrafal

fat boy_entrevista

2010-11-04T15:27:53Z

Fat Boy, um jovem ku storia pa conta, ki dês di 2004 sa ta dedika a hip hop tarrafal,

Cumesso

-Tudu cumessa pa influencia di rappers afro-americano,foi em 2004, la casa di marito, foi mi cu luck, foi algu acerio, y logu dipos um semana djan staba na palco,

Rudy boys vs Lost Boys

-Ami npodi fla man cumessa mi só, só dispôs kim bem djunta cu otos rapaz (Zé-Piqueno e Tcharles anjo) na 2006, y nu da grupo nomi Rudy Boys, nu da kel nomi la pamdi nu kria ser rappers gangters, kel grupo la dexa di bai pa frente pamodi ouve conflito entre elementos di grupo, y dipos bem surge oto grupo formadu pa mi, Zé-Piqueno e DJ Next,foi na 2007, undi nu da grupo nome di Lost Boys, kel nomi la pamdi rap na cv staba um poco perdido y nu atxa ma kel nomi la erra apropiadu pa ocazion… també npodi fla ma pa mi lost bopys dja kaba, goci talves é so Zé-Piqueno e DJ Next. Ami n´sai di grupo pamdi rapaz ta studa la praia, y tempo era pocu pa Lost Boys, y mi nka podia ficaba parrado, n´resolve sai…

Hip hop Tarrafal em reason a otus concelhos

-Pa mi li na tarrafal nu tem menus oportunidade du ki na otos concelhos, y nta atxa ma en termu musical es sta mas avansadu pamdi es tem mas oportunidade, apesar ki li tem bons rappers… y ki por falta di divolga nós trabadju nos é menus conxedu.

Ghetto Stars brilha na veron 2010

-Hoje n´ta xinte mas maduru, n´ten um vison mas amplo na mundu di musica, nes momento nsta na novo grupo, Ghetto Stars, um grupo ki surge nes ano 2010, formadu pa S.Lau, M.D, Lil Playne, y mi Fat Boy… y nes momento um elemeto di grupo(lil playne) sta fora di país…

-grupo surgi pamdi na kel momento rap na tarrafal staba segu, nu tivi ki txiga pa nu brilha y abris odju,

-Nes grupo nu trazi um stilu diferente pa tarrafal y cv em geral… undi nu mistura hip hop cu electrónico, y pa nos supresa publico curti Dimas, y sempre es ta pidinu mas… mas nunka nu ka skeci, medjor nunka nu ka dexa di canta hip hop.

fat boy

-Pamodi foi um nomi inspiradu na um rapper americanu(fat joy), mas nha nomi verdadero é Jaquilino Silva Lopes.

Sigui pa frenti

-Claru, nha objectivo é sigui pa frenti, goci ki djan cumeça n´ka podi para na kaminhu, tudu kin toka ta spludi, por isso ku Ghetto Stars na hip hop, hip hop cv ta spludi… nes mumento nu teni um mixtape eletronoco pa sai, talves di li pa dizembru é ta sai, djunto cu alguns demo.

É capas di alimenta nes ramo

-Nta atxa ma kela é possível, mas nes momento sa ta ser dificel, pamodi cv sa ta da pocu luz pa nós hip hop,

Ki mensagen nu ta atxa na bus letras y di undi ta bem inspirason

-Ami nten custuma ta trasmiti mensagens sobri vida, criticas sobre pulitica, momentos di nha carera, y ispirason ta bem di isntrumental.

Guvernu

-Nta atxa ma ês ata privatiza informason pa cidadon cabo verdino

Apoio

-Amigos, sinhor costa, senhor variador suares, y claro mas importante publico

Dificuldades

-Sempre ntivi dificuldade em termo di gravason, publicason di nos musica, gratificason di actuason, dificuldade na subi palcus di actividade local y municipal…

Nomes di artista ki bu ta adimira

-Jay-z, eminem, nas, jay-sean,

-republica, 100 juis,marito, classic boys, ghetto stars, blak devils, new rapper…

Mensagem

-Nta pidis mas motivason y mas respeto pa cumpanheru, y um one love pa hip hop cv.

exclusivo hip hop tarrafal

marito_entrevista

2010-11-02T18:32:24Z

Nes espaço nu ta bem conxi storia di um jovem ki ta didica a musica, um di kes rappers mas curtidu di tarrafalal. El é marito, continua ta le…

Cumeço

-Foi a muito tempo… talves uns 17 ano, mas cumeço relmeti nka ta consigui fla, ndisfruta na tempo di revoluson, nha epoca é clássico (gargalhadas)

-Na verdade ncomesa skrevi mi cu ju di Lena, ki hoji sta na purtugal, mas nkumessa ta grava relmente mi cu nays, Boys in the hood

- Pa nha parti na verdade nunka ntivi grupo, na aceitason di nha corason…

-Es ta fla, ma, mi nunka nfla, nunka ntomal como verdade, kel grupo é existe na merka pa mi tudu kela é iluson, pamod ami ngosta di ser kriatvo, de kria di meu, nta flaba na son afim di agrada nha s amigus.

Hip hop tarrafal em relason a otos concelhos

-Pa mi hip hop tarrafal é um stilu completamenti diferente pamodi nós é exemplo di jay-z, busta rimmes, tupac, big, aminem, dotor.dre, snoop dog, 50 cent, naz, e tambe pamodi na kes otus parti es a ta tem mas apoio e es ta preucupa cu kritika y nós é so mensagem, e talves pmd nu ka gosta di dipendi di otu alguém… nu ka ta bai so pa um ladu.

Toll, rito, marito

-Nha nomi kin ta gosta pan txomadu é rito ou marito, toll bem di maritol ki G.N ta txoman duranti gravason, mas mundu ka intende, kel kes obi es papia, es ka sabi di undi ki bem,

Discriminason

-Na kara nunka nfladu mas nsabi ma kela tem… tem sempre kes ki ta fal mal, mas es és ta sta sucundidu es ta fingi.

Inspirason

-Kel inspirazon ta bem di nha vida ki nunca n´ tive, vida dreto sima nta kre talvez pamode alguns obstaculus, mas ntem fe ma um dia nta consigui kel kim kre sem ajuda di ninguem, á não ser nha santu.

Guvernu

-Talves nka ta djudadu pmd nka ta fazi kampanha , nka ta fazi cuza pam djudas tem mas voto.

Futuro

-Nta speraba pa futuro, mas ka na musika , é ku nha deus… nta kre mura mi so undi ninguem ka sta… Ami nta faze musica pa mi, sikre ninguem ka obim… nta kre sta na um lugar dizertu…

Bu rapendi di fazi algum musica

-Tudu musika kim kanta ngosta, sim rapendi é pamodi nka gosta di nha pensamento, é um cuza ki ta bem di momento, ou midjor na tempo. ,

Momento

-Ntivi txeus erros mas ka na musika, magua alguém,

-Ami di manera kin sa bai nsa confortadu -Mi nta atxa man sabi txeu ti kim podi inxina rapaz restu sem cobra, bensadez (poi tudu kin fla) Undi ki sta erro

-Tudu alguem ku si vida e um dia nu tem conta pa nu presta

-Erro é ki musica é ka pa tudu alguém, y txeu sa kanta so straga melodia,. So imitason… ta prejudika txeu, ta kria obstaculu…

-Nu ta agrada um parti mas nu ka ta consigui agrada tudu alguem, kada un ku dicel,

Manham

-Por enquanto nta continua ta fazel, mas nsa kre ser um musico solitário, mi cu nha guita ku 6 corda, 2 obidu, 2 odju, 1 boka, pa nada ka kunfudin.

Satisfeito

-Ami comu homi ki dja dura ta corri trás di kel arti li, é ka era si kin devia staba pamodi ami é um artista di corrason limpo, ngosta di sabi y di fazi alguem sabi, sima mi ou mas… na igualdade sem inveja, pamodi di anda sabi nos tudu nu kre…

fim

-Obrigadu a tudu algeum ki ta apoiam … mas um obrigadu Dentu fundu di nha alma pa kem ki ta curti hip hop tarrafal,

Exclusivo hip hop tarrafal

downlod

2010-10-30T13:34:34Z

ka ta da pa agrada tudu alquem-fazer downlod-

GHETTO NEE_TRABADJU DENTU TUNEL

2010-10-29T00:31:16Z

NU KA TA PERDI SPERANÇA

NU TA CONTINUA TA FAZEL

GHETTO NEE SA PREPARA SI MIXTAPE VOL. 2...

NHOS KA PODI PERDI SI NHOS KRÉ KONXI

REALIDADE DI HIP HOP TARRAFAL,

MELHOR LEMA DI UN CLASSIC BOYS
» TRABADJU DENTU TUNEL»

PALAVRAS DI GHETTO NE:

‎--mi nta trabadja la na tunel
--kansera nka ta xinte por isso dia intero mi nsta nel
--otu ora té di noti mi nta korri traz del
--Traz di xance di poi un luz na fundo tunel
--munti dez ka sabi nundi mi nta mora

--su kré sabe informaçon bai pergunta la na esquadra
--ess ta flau na undi é nha morada
--ma ess ka sabi pa undi mi nta trabadja
--na tunel tudo dia, di meu é underground work

--talvez por isso bu ka ta odjan di dia, i got job
--ka tem nenhum salario ma é um trabadju di amor
--ali nka ta xplorado ma nta trabadja ti basa suor
--é ca trabadju di strangero ma ca tem frio ca tem calor
--nta sta nel ku sperança di um dia n'odjal midjor

TARRAFAL SA TA SUBI... http://sbfamilly.blogspot.com/

wolff_lagrimas&suor

2010-10-28T23:44:17Z

ja, ja mixtape lagrimas & suor by wolff

ta sta na obido di tudo alguem...

wolff um dos elementos di king street,

brother ki fla ma tudo ta volta sa lança si mixtape lagrimas & suor,

fica ligado...

devil-k_entrevista exclusivo

2010-10-27T18:37:44Z

Tarrafal tem bons artistas nós tudu nu sabi, e nes espaço nu ta bem conxi un des, el é mas conxedu pa DEVIL-K, y mas afrenti nu ta sabi kal ké si nomi verdadeiro, nes pikenu entrevista...

pergunta : Kuando ki bu cumessa , e pmd?

-Ami ncumessa na 2004, na quês epoca que tudu mundu ta cria obiba the ghost e marito cu nayz. Rap foi um cuza que sempre inca tinha planiadu, e nem nca ta imaginaba manta consiguia entraba nel. Tudo cumessa num brincedera entre mi cu H.P. Eta binha nha casa e nu ta screbia letra. Dipos nxinti ma rap era algo kista na mi, di la um cumessa dedica e goci nhos podi odja resultadu.

pergunta: Na altura bu tivi dificuldades?

-Pa ser sinceru n´passa pa txeu obstáculo, primeramenti nha mai ki sima munti alguém ta odja rap di um otu manera, um otu factor era kin ta dipiendia di alguém pam gravaba por isso na incio foi extremamenti complicado.

pergunta: É dificel sigui pa frente, pamod?

-É sim, pmd tarrafal tem txeu rappers cu talentu ki ca ta dadu um opurtunidadi pa mostra o ké tem, dipos na tarrafal es ca ta apoio rappers.

pergunta: Black devil?, Pmd?... kal ke bu real nomi?

-Primeramenti nha nomi é Ivan Dany Évora de Macedo, e Black Devil surgi dum brincadera entre mi Marito e Richardson. Marito sempre ta txomaba mi black devils di la cu union di mi cu As,P H.P Richardson nu acaba por acustuma ku kel nomi li e é fica BLACK DEVILS.

pergunta: Kem ki apoiou nes caminhu di musica?

-Djoy Loty Heder To Leno….mas ncaba pam ganha cunfiansa cu Kex1, el é um nigga ki sempre ta daba mi mural, tambe nito Kinhos conxi pa wolf e nha granda Brou AsP. Goci nteni apoio di Geany e txeu rappers di tarrafal.

pergunta: Kuse ki bu ta atxa di hip hop Tarrafal em relaçao a hip hop na Vabo Verde?

-Yo...odja, pa mi tem hip hop Tarrfal e tem hiphop CV. Pami es é 2 cuza diferenti Tarrafal tem um otu movimento, rap Cv e mas influenciadu pa mercanos e tarrafal nau Tarrafal cria e adopta si rap embora e ca ta aceitadu so pelo simples factu di e ser diferenti, é mostra forsa e talentu.

pergunta: bu atxa ma é kapaz di alimenta nes ramo moda lado la…, ou nou?

-yo rap stan na sangui n´ podi bisti fatu mas sempre nta pega mic, ami nta continua ti undi kin podi, e nta da tudu neggas mural pa fazi u mesmu. N´podi ate para por uns tempo mas nunca definitivo.

pergunta: kuse ki nos governos tem ki fazi?

-nu mesti Dano espaso pa nu cria e desenvolvi, e algun apoio pa nu podi divulga nos trabadju naon so dentu di cabo verde mas tambe fora. Pamodi tudu rapper ta sunha divulga si trabadju pa mundu fora.

pergunta: kusé ki bu ta pensa pa futuro de hip hop… ki concedju bu ta da pa kes ki sa labanta?

-Hip hop ta bai longi na Tarrafal e nta xinti ma si nu continua nu ta sai ta ganha, normalmenti objectivo d tudu rappers é fama e dinheru mas n´ta aconcelha rappers ki sa labanta pa preocupa cu expressa talentu dom primeru, pa ca pricipita pa trabadja bem cada rimas pa mostra força na nos hiphop so dispôs pa pensa na kes otus. Ami sempri nta apoia tudu amantes di rap nunca n´ca ta flas nau, pmd npasa pa kela por isso nta fla rappers pés cridita na es e pés canta sem medu.

pergunta: Ki mensagens nu pod atxa na bus musicas y undi ki bu ta buska inspirason?

-Nhas musicas ta retrata nha estadu di spiritu, as vezes ódio, tristeza, alegria, amor, cenas di nha dia a dia….e nha inpirason é na momentos kin sta xinti só. N´ta pega na caneta ou num telemóvel nta escrebi… Txeu hora nta fla ma nha inspirason ta bem di nha famailia. Nha mãe irmon nha piquena nha fidju……

pergunta: fla nomi di 3 Artistas ki bu ta adimira nes ramo li na tarrafal, 1 di cv y 1 di forra? -

Ami di tarrafal Kex 1, Asp, Richars na cv nta curti sons di Pomba Pretu. E na merca Fat Joe.

exclusivo hip hop Tarrafal

hip hop tarrafal sta pa tudu ladu

2010-10-26T19:23:56Z

hip hop tarrafal ka ta vivi so na tarrafal, també é ta respira na tudo localidade unde sta tarrafalenses. Exemplo nu ta odja na jovens tarrafalenses na Portugal, ki tambe sa da ses máximo pa hip hop tarrafal… rapaz ta canta storia di tarrafal, sima kes sta morrado na tarrafal… es ta kanta na ses língua di terra pá preserva nós raiz…

kem ki sta ku nós, nu ka pod parra, nu kuntinua, é pa frente ké futuro.

exclusivo hip hop tarrafal

hip hop

2010-10-23T13:57:49Z

O hip hop (também referido como hip-hop) é uma cultura artística que iniciou-se durante a década de 1970 nas áreas centrais de comunidades jamaicanas, latinas e afro-americanas da cidade de Nova Iorque.[1] Afrika Bambaataa, reconhecido como o criador oficial do movimento, estabeleceu quatro pilares essenciais na cultura hip hop: o rap, o DJing, a breakdance e a escrita do grafite.[2] Outros elementos incluem a moda hip hop e as gírias.[3] Desde quando emergiu primeiramente no South Bronx, a cultura hip hop se espalhou por todo o mundo.[4] No momento em que o hip hop surgiu, a base concentrava-se nos disc jockeys que criavam batidas rítmicas para pausas "loop" (pequenos trechos de música com ênfase em repetições)[5] em dois turntables, que atualmente é referido como sampling. Posteriormente, foi acompanhada pelo rap, identificado como um estilo musical de ritmo e poesia, com uma técnica vocal diferente para utilizar dos efeitos dos DJs.[6] Junto com isto surgiram formas diferentes de danças improvisadas, como a breakdance, o popping e o locking.[7] A relação entre o grafite e a cultura hip hop surgiu quando novas formas de pintura foram sendo realizadas em áreas onde a prática dos outros três pilares do hip hop eram frequentes, com uma forte sobreposição entre escritores de grafite e de quem praticava os outros elementos.[7] in google

Classic Boyz Titulo do Mixtape: Classic Blood

2010-10-23T12:59:02Z

Artista: Classic Boyz Titulo do Mixtape: Classic Blood - Resistencia Estilo: Rap Kriolo Nº de Faixas:14 Playtime:45 minutos Qualidade:128kbps Tamanho:44 MB Gravadora: The Prodsunshine - ghettomusic TRACKS: 01 - Intro [Produzido Pa Ghetto Nee] 02 - Benvindo a SBfamily [Produzido Pa Ghetto Nee] 03 - Musika (V. Final) [Produzido Pa A. Carvalho] 04 - Skit [Produzido Pa Ghetto Nee] 05 - Pre-rappers [Produzido Pa A. Carvalho] 06 - Movimento RapNorte (ft. Flame) [Produzido Pa Ghetto Nee] 07 - Controla Nhas Passos (DEUS) [Produzido Pa A. Carvalho] 08 - Nu Ta Kontinua Ta Fazel [Produzido Pa Ghetto Nee] 09 - Povu Mangui [Produzido Pa Juelz] 10 - II Milénio (ft. Kex-1) [Produzido Pa A. Carvalho] 11 - Um Real MC [Produzido Pa Ghetto Nee] 12 - Ondas Underground [Produzido Pa Ghetto Nee] 13 - Kelí é HipHopNorte [Produzido Pa Ghetto Nee] 14 - Midjor Bu Pensa [Produzido Pa Juelz]

in http://sbfamilly.blogspot.com/

djy- indiferente

2010-10-23T12:52:22Z

Djy, antes conhecido por Rodjy, lançou o seu mixtape para o público de tarrafal, num show onde ouve participação de muitos outros rappers que fizeram parte do seu mixtape, G.N, Shimá, Tchudu, Fat Boy, Lazy, Marito, Vane e B. Mell. Show esse, onde o publico não faltou (estavam muitos até), aconteceu três semas depois do mixtape ter sido divulgado (lançado) por rádio crioula FM no programa mais assistido de Cabo Verde, claro estamos a falar de cultura hip hop… mostrando também que hip hop tarrafal tem qualidades.

MENSAGEM DE DJY

-keli é mi Djy na indiferença di um próprio sonho Fase um dia de tarde intero a indiferente. Propi nha conhecimento é um tipo indiferente Faixa 10 ta splica momentos di nha próprio pessoa sem ofença Apenas palavras ta transmite num poco linha situasons di calúnia nes terra Oferta di nha própio sentimento indiferente N´ca bom mas n´sabi mam sa ta fala verdade atraves di 16 musica N´tenta risumi nha criolo num poco portugues caso é o kin chinte Fase o mesmo dexa sai verdade di bu própio pessoa Sem tenta inventa stórias di oto cara metade (disculpa se foi um ofensa) Baseado na nha própio sentimento Djy- Indiferente obrigado...

wolf- letra

2010-10-23T01:25:20Z

------------------NACI, MÓRRI, É TC.-------------------------

Más um dia derrotado má nca sta lí pam txora nau
Sufrimento c asa passa má tinda mi nsa da flow,
Mesmo cu txeu problema mi nsa lí ké pam silebra
- más um dia de vida
-más um etapa kim sa cumpri
Má tristesa c asa passa sufrimento é nha tormento,
E ken ki pensa mé feliz, kelí é só pa um momento
Alegria cu tristesa dos face di mesmo moéda
Bu tem ki luta pó ca, morri di racatxa ca bu corri,
Min sa cai nsa labanta má tinda min sta di pé
Por enquanto min nca morri min nsa bem luta cu fé
má sperança ca ta mórri ma un dia sol ta brilha
e por enquanto é ca txiga you min tem ki aguenta inda

kéli é um txerrinho di próximo som di K.S., primero verso por wolf

ka bu perdi

in----www.kingstreet1.skyrock.com

ka nhos perdi

2010-10-21T21:59:11Z

ka nhos perde grande entrevista ku um di kes midjor rapper di tarrafal,

el é fat boy... ja ja, li na hiphop tarrafal...

um entrevista exclusivo undi nu ta sabi mas sobre es artista

kronica XXI

2010-10-17T00:35:04Z

james- the real microphonelife

indiferente by djy

2010-10-16T23:20:49Z

indiferente dja sta na street

nós arma

2010-10-16T23:51:37Z

G.N, Marito,Sheiny-resulta» nós arma

revoluson by tchudu

2010-10-16T23:44:32Z

na street revoluson

re-lembra by devil-k

2010-10-16T23:35:44Z

Devil-k dja lança se mixtape»

re-lembra

dedikasson by shimá

2010-10-16T23:26:23Z

dedikasson by shimá dja sta na street

nha lado

2010-10-17T00:27:04Z

nha lado by ghetto nee